കുറച്ചു നാളായി പോസ്റ്റ്‌ ചെയ്യാന്‍ തീരെ സമയം കിട്ടുന്നില്ല..സ്വിസ് ബാങ്ക് അക്കൗണ്ട്‌ വിവരങ്ങള്‍ പുറത്തു വിടാന്‍ പോണു എന്ന് കേട്ട് തുടങ്ങിയപ്പോഴേ കരുതിയതാണ് ഈ തെരക്ക് . സ്വിസ് ബാങ്കില്‍ ഉള്ള കള്ളപ്പണം എങ്ങനെ മറ്റു മാര്‍ഗങ്ങളില്‍ നിക്ഷേപിക്കാം എന്നതിനെ കുറിച്ച് സെമിനാറുകള്‍ ,കണ്‍സല്ടിങ്ങ് അങ്ങനെ അകെ ഓട്ടത്തില്‍ ആയിരുന്നു. ഒരു സെമിനാര്‍ കേരളത്തിലും ഉണ്ടായിരുന്നു. വിചാരിച്ചതിലും കൂടുതല്‍ പേര്‍ പങ്കെടുത്തിരുന്നു .പങ്കെടുക്കാന്‍ കഴിയാ്‍ ത്തവര്‍ക്കായി ചില മാര്‍ഗനിര്‍ദേശങ്ങള്‍ തരാം
- സ്വിസ് ബാങ്കില്‍ കുറെ കോടികള്‍ ഉണ്ട് അത് എവിടെ വന്നാല്‍ ഇന്ത്യ രക്ഷ പെടും എന്നാണ് പലരുടെയും ചിന്ത , അവരുടെ സമാധാനത്തിനു വേണ്ടിയെങ്കിലും സ്വിസ് ബാങ്കുകളില്‍ ഉള്ള കാശ് മുഴുവന്‍ പിന്‍വലിക്കരുത് .ചില്ലറ അവിടെ ബാക്കി വയ്ക്കാം .
- കച്ചവടക്കാരെ സംബന്ധിച്ചടുതോളം സ്വിസ് ബാങ്ക് അക്കൗണ്ട്‌ പിടിച്ചാലും വല്ല്യ കുഴപ്പം ഒന്നും വരാന്‍ ഇല്ല .ബാങ്കില്‍ ബാക്കി ഇട്ടിരിക്കുന്ന തുകയുടെ ഒരു ശതമാനം പിഴ ആയി നല്‍കിയാല്‍ ആ തുകയും ഇന്ത്യയില്‍ എത്തിക്കാം .
- രാഷ്ട്രീയക്കാര്‍ ഈ വിഷയത്തില്‍ കൂടുതല്‍ ശ്രദ്ധിക്കണം സ്വിസ് ബാങ്കിലെ ചില്ലറ പോലും രാഷ്ട്രീയ ഭാവി ഇരുട്ടില്‍ ആക്കിയേക്കാം അത് കൊണ്ട് തുക മുഴുവനായും പിന്‍വലിച്ചു മറ്റു നിക്ഷേപ മാര്‍ഗങ്ങളില്‍ നിക്ഷേപിക്കെണ്ടാതാകുന്നു
- കേന്ദ്ര സര്‍ക്കാര്‍ ഇതിനകം തന്നെ ഇത്തരത്തില്‍ കാശ് മാറ്റുന്നതിനായി ധാരാളം സമയം നല്‍കിയ കാര്യം എല്ലാവരും ഓര്‍ക്കുന്നുണ്ടല്ലോ .ഇനി ചെലപ്പോള്‍ അധികം സമയം ലഭിച്ചു എന്ന് വരില്ല അത് കൊണ്ട് പെട്ടന്ന് തന്നെ ഫണ്ട്‌ എല്ലാം മാറ്റുക
- ചാരിറ്റബിള്‍ ട്രുസ്ടുകള്‍ക്കുള്ള സഹായം വഴി ഉള്ള വെളുപ്പിക്കല്‍ ഇപ്പോള്‍ അത്ര സേഫ് അയ ഒരു വഴി അല്ല .ആ മാര്‍ഗം നോക്കുന്നത് ഇപ്പോഴത്തെ അവസ്ഥയില്‍ നല്ലതല്ല
- വിദേശത്ത് ഡമ്മി കമ്പനി ഉണ്ടാക്കി ലാഭം ഇന്ത്യയിലേക്ക് അയക്കുക എന്നാ പരമ്പരാഗതമായ രീതി ഇന്നും ഉപയോഗിക്കാവുന്നതാണ് . പുതിയ മേച്ചില്‍ പുറങ്ങള്‍ കണ്ടത്തി അവിടെ കമ്പനി തുടങ്ങുന്നതാകും നല്ലത്
- ദുബായ് ആണ് പിന്നെ ബ്ലാക്ക്‌ മണി നിക്ഷേപിക്കാന്‍ പറ്റിയ ഒരു സ്ഥലം
- ബഹിരാകാശത്ത് ഒരു പുതിയ ബാങ്ക് ഉടനെ വരുന്നുണ്ട് ആ മാര്‍ഗവും പരീക്ഷിക്കാവുന്നതാണ്
തല്‍ക്കാലം ഇത്രേം കൊണ്ട് നിര്ത്തുന്നു കൂടുതല്‍ വിവരങ്ങള്‍ ആവശ്യമുള്ളവര്‍ നേരിലോ ഫോണിലോ ബന്ധപെടുക ..