കുറെ കാലം ആയി വളരെ ബിസി ആയി പോയി എഴുതാൻ ഒന്നും ടൈം ഉണ്ടായില്ല. ഞാൻ പഴയതുപോലെ പോലെ സുന്ദരിയും സന്തോഷവതിയും ആയി ഇരിക്കുന്നു. പൊതു ജനങ്ങൾക്ക് ഉപകാരം ഉണ്ടാകുന്ന ഒരു കാര്യം ചെയ്യാൻ തീരുമാനിച്ച വിവരം അറിയിക്കാൻ ആണ് ഈ പോസ്റ്റ്.
ഓൺലൈനായി ഒരു വിധം ഉള്ള രോഗങ്ങൾക്ക് സ്വയം ചികിൽസിക്കാൻ ഉള്ള വഴികൾ പഠിപ്പിക്കുന്ന കോഴ്സ് ആരംഭിക്കുന്ന വിവരം എല്ലാവരെയും അറിയിക്കുന്നു. നിങ്ങൾ കരുതും എനിക്ക് വട്ടായോ? ഇത്രേം ഡോക്ടർസ് ,ആശുപത്രികൾ ഒക്കെ ഉള്ള ഈ നാട്ടിൽ എന്തിനാണ്
ഇങ്ങനെ ഒരു കോഴ്സ് ?
സിമ്പിൾ ആയി പറയാം കോവിഡ് വാക്‌സിൻ പറ്റിക്കൽ ഏർപ്പാട് ആണ് വാക്‌സിൻ കമ്പനികൾക്ക് പണം ഉണ്ടാക്കാൻ ഉള്ള ഒരു കലാപരിപാടി ആണ് എന്ന് വിശ്വസിക്കുന്ന ഒരു കൂട്ടം ആളുകൾ ഉണ്ട്. വാക്‌സിന് ഭീകരമായ സൈഡ് എഫ്ഫക്റ്റ് ഉണ്ടെന്നും അത് വന്നു പണ്ടാരം അടങ്ങും എന്നാണ് വെയ്പ്പ്. അത് ശരിയാണ് എന്നിരിക്കട്ടെ , നാട്ടിലെ ആരോഗ്യ പ്രവർത്തകർ മുഴുവൻ വാക്‌സിൻ എടുത്തവർ ആയതിനാലും ഇവർക്ക് ഒക്കെ മേല്പറഞ്ഞ സൈഡ് എഫ്ഫക്റ്റ് വരുന്നതിനാലും വാക്‌സിൻ എടുക്കാത്തവർക്ക് ഒരു പനി വന്നാൽ പോലും ചികിൽസിക്കാൻ ആരും ഉണ്ടാകില്ല ആ അവസ്ഥക്ക് ഒരു പരിഹാരം ആണ് എന്റെ കോഴ്സ്. വേണേ ജോയിൻ ചെയ്തു പഠിച്ചോ ഇല്ലെങ്കില് വല്ല പനിയോ ചുമയോ വന്നു പടം ആകും.