ഒരു 2 മാസം മുന്നേ വീട്ടില്‍ ഇരിക്കുമ്പോള്‍ ആണ് പണ്ട് ഒപ്പം പഠിച്ച ഒപ്പം എന്ന് പറഞ്ഞാല്‍ ഞാന്‍ ഫസ്റ്റ് ബഞ്ചിലും അവന്‍ ലാസ്റ്റ് ബഞ്ചിലും കറിയ വിളിച്ചത് ഇപ്പോ പുള്ളി വലിയ രാഷ്ട്രീയ നേതാവാണ്‌ . കറിയ വിളിച്ച പാടെ കാര്യം പറഞ്ഞു ഒരു സഹായം വേണം .ബുദ്ധിയും വിവരവും ഒകെക് ധാരാളം ഉള്ള എന്നോട് ആളുകള്‍ ഉപദേശം ചോദിക്കുന്നത് സര്‍വസാധാരണം . കറിയയുടെ പര്ശ്നം വളരെ ലളിതം ആണ് പുള്ളിക്കാരന് കുറച്ചു കോഴ കിട്ടും നാട്ടുകാരുടെ ഇടയില്‍ ക്ലീന്‍ ഇമേജ് ആയതു കൊണ്ട് മേടിക്കാന്‍ ഒരു മടി . വല്ല ചാനലുകാരോ മറ്റോ ഒളി ക്യാമറ പ്രയോഗം നടത്തിയാല്‍ രാഷ്രീയ ഭാവി ഗോവിന്ദ .. ചുരിക്കി പറഞ്ഞാല്‍ കറിയയ്ക്ക് കാശും വേണം ഇമേജും വേണം .
പ്രശ്നം ഞാന്‍ ലളിതമായി തന്നെ പരിഹരിച്ചു . ആ കോഴ തരാന്‍ പ്ലാന്‍ ഉള്ള പുള്ളിയോട് കറിയയ്യ്ക്ക് എതിരെ ഒരു പത്ര സമ്മേളനം നടത്തി കറിയ കോഴ മേടിച്ചു എന്ന് ഒരു ആരോപണം ഉന്നയിക്ക്കാന്‍ പറയണം . പിന്നെ സംഗതി മീഡിയ ഏറ്റെടുക്കും കറിയ ആരോപണത്തെ ശക്തമായി എതിര്‍ക്കണം . ഒരു 2 ആഴ്ച കഴിയുമ്പോള്‍ കറിയ പുള്ളിക്ക് എതിരെ ഒരു മാനനഷ്ടക്കേസ് കേസ് കൊടുക്കണം . കോഴയുടെ ഒരു രണ്ടു മൂന്ന് ഇരട്ടി തുക കാണിക്കുന്നതാണ് അഭികാമ്യം ഒടുവില്‍ കറിയ കേസ് ജയിക്കും മീഡിയ കറിയ എന്ന സത്യ സന്ധനായ രാഷ്ട്രീയക്കാരനെ പറ്റി ന്യൂസ്‌ അവറില്‍ ചര്‍ച്ച ചെയ്തോളും . നഷ്ട പരിഹാരതുക എന്ന കോഴയെ പറ്റി ആരും ആലോചിക്കില്ല. ഒരു വെടിക്ക് പല പക്ഷികള്‍ .. 🙂 കറിയ ഇന്നലെ എന്നെ വീണ്ടും വിളിച്ചിരുന്നു ഉടനെ മന്ത്രി ആകാന്‍ സാധ്യത ഉണ്ട് എന്ന് ..